جهاد وفارس ( اطفال لكنهم شهداء )

جهاد وفارس ( اطفال لكنهم شهداء )

هؤلاء اطفال فلسطين وهذا حوارهم دائما ً ....


جهاد :
فاكر يا فارس لما الجندي
الصهيوني خاف
وهرب من حجرك ...
والله يا فارس صاروخ
كانت ايدك ...
لكن قلي يا فارس ليه احنا
ما بنحلم غير برصاصة وبندقية ...
ليه ما نحلم مثلا بانه نعيش
وليه ما نحلم
بلعبة مش طيارة ...

يا فارس انت كنت تحلم
بانك تستشهد قدام دبابة ...
والله ما في طفل عربي
حلم مثل حلمك ولا حتى حلم
يمسك حجر بيده ....
ليه يا فارس بنحلم بالرصاص وبالشهادة ...
صح انا معك لازم هالعدو نكيده ...
لكن ؟؟؟؟؟؟
فارس :
باللغة العربية او بالعامية بدي
اقلك واجاوبك ...
احنا يا جهاد غير اطفال العالم
غير الاطفال العربية ...
بنحلم نموت عشان نعيش
وبنحلم نعيش عشان نموت بكرامة ...
احنا صغار صح لكن عيب
نحمل لعبة ونجرى بالحارة ...

الشطارة والشهامة نحلم
كيف نخوف بحجارنا دبابة ...
وكيف بدك نكون رجال يا جهاد
ان ما موتنا الف مرة ...
قدرنا ما نعيش بفرح
قدرنا نمشي فوق الجرح وزيادة ...
وبكرة يا جهاد انا بنال الشهادة
وشوف شو راح اعمل ع الشاشة ....