لا صوت يعلو فوق صوت الجزم

لا صوت يعلو فوق صوت الجزم


عايزين نفصل كم حذاء
حتى يليق بحكامنا الاعزاء ...
بدنا نتوكل على الله ونشد العزم ...
الشاطر اللي فينا ما يرحم
والبطل اللي بيده يرجم ...
الشاطر اللي يرفرف الجزم ...
خلاص بدنا لجراحنا
ومصائبنا حسم وحزم ...
فلا صوت يعلو فوق صوت الجزم ...
قرون بنادي ونصرخ من الوجع
ولا واحد منهم قال نعم ...
كل شئ فينا ولنا بقولوا لا !!!
وللاحتلال الغاشم كل شئ نعم ...
معلش خلينا نشغل السلاح
ونبدأ حرب الجزم ...

واذا اعتقلونا ما يهم
وان سألونا ليش عملنا هيك
راح يجاوبهم فينا الالم ...
وان اتهمونا بالخيانة راح نطلع
براءة بشهادة القيم ...
ولو بخلوا علينا بتخفيف الحكم
يكفي انه احنا اهل الكرم ...
لو نفونا او اعدمونا او قطعونا قطع
بمحكمة الرجولة والكرامة احنا الزلم ...
لو كسروا عظامنا وخلوها مثل التراب
بقدرة الله اجسادنا راح تلتم ...
وراح يجري بفضل ربك فينا الدم
ويكفي انه ما رضينا بالظلم
يكفي انه موتنا بعزة وشرف يا عم ...