روحي يا عيوني عدي دمعكِ

روحي يا عيوني عدي دمعكِ


روح عد اوراق الشجر
روح عد حبات المطر
عد افعال البشر ...
عد حكايات القدر ..
عد يا قلبي مين اللي بغدره
فاز وافتخر ...
وعد مين انهزم ومين انتصر ...
عد كم مرة غرقنا
بالحزن والاهات من قلوب الغجر ...
الجرح امير يا قلبي
والظلم عاشق يفتخر ...
النار فينا تحرق واحساس
الناس يا قلبي يحتضر ...
يا ايامنا وليالينا مين الصح
ومين فينا الغلط ...
مين انسان ومين شيطان ...
زمن باع نفسه للرخيص
وجعل الطيب بخطر ...
دنيا ويا عالم شو مخبية لينا
دنيا تجرب تعاستها فينا ...
دنيا كل ما نسألها ونتصافي
ليها تغرقنا وتعاندنا ...
انقلبت الموازين يا قلبي
وما تستغرب وتفكر كثير ...
انقلبت الموازين وصارت
البشر احجار والاحجار بشر ...
ضجر يسكن الشوارع
الحق يباع علناً وزوراً ...
حزن يجلب الضياع
والعجز اصبح بالازقة متمرداً...
ستون عام لا شئ تغير
الامس كاليوم والغد واهماً ...
روح يا قلبي ما لك غير الله
والعباد اصبحت بطشاً ...
روح يا قلبي واترك الجسد
ينزف من الجرح ...
روح يا قلبي داوي جروحك
فمهما الدواء كان كبير
الجرح اقوى منه واكبر ...
وبعدنا ما شفنا الفرح
والعين ما بتشوف بغزة
غير العذاب والفقر والقهر ...
ويا خوفي الامل
بكرة يموت وينتحر ...
روح ِ يا عيوني عدي
دمعكِ لابشع صور
وبعده الالم ينتظر ...
فكل ما بكِ يا غزة
يعيش الموت ,, يعيش الخطر ....