البنت وابوها

الـبنت وابــوهــا


البنت بتقول لابوها
عمر الفرح ما زار بيوتنا يا بابا
فكرك وشو السبب ؟؟؟
قلها ابوها !!
عرفنا الحزن يا بابا وسكن قلوبنا
من يوم ما نهش الارض وتشريدنا انكتب ...

يا بابا ليش العدل جبان
ليش ما يدافع وليش هربان ؟؟؟
يا بنتي العدل مش جبان
هو الانسان شيطان ترك الشر
للنفوس يقودها ...
عارف يا بابا ؟؟
نفسي اعرف اصل العرب
هم اسم ولا لقب ولا نسب ؟؟
بدي اعرف ليش
اليوم بس طلع مليون ابو لهب ؟؟

يا حبيبتي العرب مش اسم
ولا حتى لقب يمكن نسب ...
بس العربي صار اجدع طرب
وسكوته عن ظلم الناس وعذابها
عنده شرط وطلب ...
الشجاعة يا بنتي صلبوها ..
والفضيلة اغتصبوها ولكن ما تخافي
هلا احنا بزمن ضرب الجزم
يعني خلاص رفعنا العتب ...

عارف يا بابا ا!!!
العرب غم وهم ,, ردح ولطم ,, غدر وظلم ,,
والله يا بابا ما عندهم دم
والكرامة ضيعوها ...
خلص يا بنتي انسي هالسيرة
وقومي اعملي كاسة شاي لنشربها ...
شكلك نسيت يا بابا انه الغاز بح
وحتى ما في للنار حطب
مش بقلك عرب بس نصب وكذب ....