ام محمد

ام محمد


ام محمد :
جابت هالورق والكراتين
وصارت تطبخ ع النار ...
معذورة اصل البلد كلها
ماشية على هالنظام باستمرار ...
فش غاز ,, فش كهرب ,,
وفش ضمير للعرب وكيف هالناس
بدها تعيش بالحصار ...

ام محمد وكل ام فلسطينية
بتخلي اولادها يلفوا الشوارع
دكانة دكانة وشارع شارع ...
الشاطر اللي يجيب كثير ورق
ويجيب كمان خشب للدار ...
لا تستغرب وتشك بكلماتي وحياتك
انا قاعد معها وبكتب اشعار ...

انا بالحارة والدخان معبي المكان
والجار يواسي الجار ...
لا تحتار يا اللي عم تقرأ كلماتي
ام محمد ونسوان الحارة بحكولكم
وين هالعربان عن هالعار ...
فجأة صرخت ام محمد بالصوت
والصوت هز الحارة والدار ...

ابنها انحرق بالنار تركت الاكل
لبنتها تعمله ودخلت تسعف عمار ...
وانا قمت وطلعت من الحارة ,
لانه كان عندي مشوار ...
هاي غزة يا عرب النفظ
هاي غزة يا عرب الدولار والدينار ....


على فكرة انا مش جايب شئ من الخيال هذا بجد الواقع بغزة وبكل بيت .......